søndag 19. april 2015

Utanom porten

«Sanneleg, sanneleg, eg seier dykk: Den som ikkje går inn til saueflokken gjennom porten, men kliv over ein annan stad, han er ein tjuv og ein røvar. Men den som går inn gjennom porten, er gjetaren til sauene.

Joh 10, 1-2


Utanom porten

eg såg ein ulv
i gjetarkleda,
han klatra over
ein skyhøg mur
han gjekk forsiktig
på sikre føter
og landa stille
i doggvått gras

eg høyrde stemma
frå grunne vatn,
den lova fred
til kvar minste sau
han tala roleg
med fjørlett stemme
og lulla heile
sin flokk i søvn

eg såg ein port
og ein annan gjetar
han stod og kalla
på sine får
eg tenkte, skund dykk
gå ut av snara
før ulven et dykk
med hud og hår -


1 kommentar:

  1. Hei Ole Jørgen.
    Ja, - "Skund dykk" kjennes som et bra ord.
    Ikke stress, - men det er liksom lurt å følge etter
    DER JESUS ER Å FINNE.

    Jeg "fikk" denne i "min stille stund" en dag
    som er TIL DEG i dag:
    http://hjemveien.blogspot.no/2015/04/gud-sa-pa-alt-det-han-hadde-gjort-og-se.html

    SvarSlett